The Search

கோபனாவன் பல்கலைக்கழகம்

கோபனாவன் பல்கலைக்கழகம், டென்மார்க்கிலுள்ள பழமையான, இரண்டாவது பெரிய பல்கலைக்கழகமும், ஆராய்ச்சி மையமுமாகும். உயர்கல்வி படிப்பிற்கான பொது மையமாக 1479-ஆம் ஆண்டில் தொடங்கப்பட்ட இப்பல்கலைக்கழகமானது, உப்சாலா பல்கலைக்கழகத்தையடுத்து (1477) இசுகாண்டினேவியாவிலுள்ள இரண்டாவது பழமையான உயர்கல்வி மையமாகும். இப்பல்கலைக்கழகம் 37,000-க்கும் மேலான மாணவர்களையும், 7,000-க்கும் அதிகமான பணியாளர்களையும் கொண்டுள்ளது. கோபனாவனைச் சுற்றிப் பல வளாகங்களை இப்பல்கலைக்கழகம் கொண்டுள்ளது. இதில் பழமையானது மைய கோபனாவனில் உள்ளது. பெரும்பாலான பயிற்சி வகுப்புகள் தானிசு மொழியில் கற்றுக் கொடுக்கப்பட்டாலும், பல பயிற்சி வகுப்புகள் ஆங்கிலத்திலும், சில இடாய்ச்சு மொழியிலும் நடத்தப்படுகின்றன. இதன் வரவு செலவுத் திட்டம் 2011-ல் 7,803,414,000 (DKK) தானிசு குரோனேவாக இருந்தது.

Wikipedia · CC BY-SA